Bake prozesua zertan da?

Atzo Orexako aste kulturala aitzaki harturik, hitzaldi bat antolatu zen. Bertara LAB sindikatuko kide den Rafa Diez izan genuen gurekin, bake prozesuari buruz bere eta ezker abertzalearen ikuspegia helarazi nahian. Egia esan oso interesantea izan zen eta gauzak eta gertakariak oso era ezberdinetik ikusarazi zizkidan.

Lehenik eta behin historia pixka bat egin zuen eta egungo prozesua aurretik geratatutakoa gertatau gabe ez zegoela ulertzerik. Bake prozesuei dagokioenez, Argel eta Lizarra-Garaziri eman zien garrantzia, besterik gabe.

Prozesua bi karriletako bide bezala irudikatu zuen. Batetik, ETA eta Espainiako Gobernua eta bestetik alderdien mahaia. Ideia hau oso garbia eta ezaguna da baina bide hauek uste baino lotuagoak daudela ikusarazi zigun. Espainiako Gobernuaren interesen artean "bakea" presoengatik eskema interesatzen zaio, horrela kontzeptu politikoetan sakontzea ekiditen baitu. Ezker Abertzalea eta ETA konturatu dira hortaz eta hori da ETA eta Gobernuaren arteko karril horrek aurrera ez egiteko arrazoietako bat. Alderdien mahaia atzeratzen ari da PSOE eta beste karrila azeleratu nahi du, eta berak presoekiko aurrerapauso bat iragarri zuen (preso gaixoekiko adibidez), baina ETAk argi eta garbi utzi dio Gobernuari beraien arteko negoziazio hori ez dela hasiko alderdien mahai benetan martxan jarri arten, lehen aipaturiko Espainiako Gobernuaren "iruzur" hori ekidin nahian.

Eta hain zuzen hor kokatu behar da egun Ezker Abertzaleak, prozesua krisian dagoela esatea. Azkenean gizarte mobilizatu nahi da Espainiako Gobernuari presio egiteko aldedien mahaia osatzeko eta karril honen martxak beste ere berpiz dezan.

Oso ikuspuntu interesantea iruditu zitzaidan eta herritar soilei urruti xamar geratzen zaiguna. Ikuspuntu ezberdian baino oso oso interesantea.

Hala ere nik galdera bat ekarri nuen buruan jira eta bira (han ez galdetzeagatik). Espainiako Gobernuaren data kritikoa 2008 martxoa da Madrila hauteskundeka baitaude, baina zein puntutaraino Ezker Abertzalea prest dago prozesuaren onerako hauteskunde munizipal eta foralak sakrifikatzeko. Hauek sakrifikatuz gero, denbora gure alde jarzten dugu eta Espainiako Gobernua denborak itota uste baino gauza gehiago inar ditzake. Baina aldiz Gobernua konturatzen bada Ezker Abertzalearen helburua maiatzeko hauteskundeak direla, negoziazio maila jeisti egiten da. Pentsatzen det presio hori ETAk egingo duela gobernuarekin, Batasuna legalizatuz gero aurrea egingo dutelakoan edo. Honi buruz eta nahi duzuen guztiari buruz zuen iritzia jakin nahiko nuke Kalakakideok!