Kalaka Afari Taldea: Herrien Europa?

Thursday, May 10, 2007

Herrien Europa?

Maiatzaren 5a, Europar Parlamentura bisita. Sartu eta berehala
hasten dira stand-ak gure begien aurrean azaltzen. Kolore guztietako
globo, panfleto, arkatz, pin... banatzen.
Halako batean Giza Eskubideen liburuxka miniaturan oparitzen ari
dira hizkuntza ezberdinetan. Bat hartu eta kasualitatez zer topatuko
eta 12. eskubidea: Freedom of assenbly and of association: 1.
Everyone has the right to freedom of peaceful assembly and to
freedom of association at all levels ...
Hemen hasten dira lehenengo barre algarak.

Gure bisitak aurrera darrai. Halako batean taula erraldoi bat topatu
dugu paretean itsatsirik. Zer ote den jakin nahiaz gerturatu eta
hizkuntza ezberdinekin osatutako taula bat dela ohartu gara. Bertan
hitz ezberdinak daude eta guztion artean zutabeak betez, bakoitzak
bere hizkuntzan, Europar Batasuna irudikatzen dugu. Bertan, gure
hizkuntza ez zegoelaz jabeturik, Herrien Europari gure aportazio
txikia egin nahi izan diogu. Txuriz zegoen papera gure hitzez bete
dugu.

Eguna pasatu eta etxera bidean goazela, berriz ere leku beretik pasa
eta gure harridurarako batenbatek guk idatzitakoaren gainetik paper
zuria jarri du, guk egindakoa estali nahiean.(ikus azpiko irudia) Gure
hizkuntzak egunero jasaten duen zapalkuntzaren erakusle garbia.
Horrenbesteko min ematen al du euskarak?

Guzti honen ondoren etxera nahiko atsekabeturik itzuli gara,
pentsatuz inori kalte egiten ez zion gauza bat egin arren ere,
zapalduak garela. Pentsatuz Herrien Europa delako hori gezur hutsa
dela eta askori ahoa erraz betetzen zaiela hitz politez, baina, gero
benetako errealitatea zeharo ezberdina dela.

Zergatik gertatzen dira horrelakoak? Zer egin dugu horren
gorrotatuak izateko?...

Hona hemen hainbat galdera, kalakakideentzat zuzendurik. Zuen
erantzunen zain besarkada bat Belgika aldetik

Labels: Europa Euskara zapalkuntza

38 Comments:

Benetan gertakari interesgarria Lertxundi. Europako Konstituziari ezetz bozkatu genionean ez ginela deskudiatu argi geratu da.

Herrien Europa fartsa bat da, eta horui garbi utzi zuen ditsosozko konstituzio hark, nahiz eta Imaz jaunak kontrakoa esan. Egia esan azken aldian botatzen ari denarekin..en fin.

Europa, estatuen europa da eta horregatik izan nahi dugu estatu. Hau adibide bat besterik ez da. Adibide mingarria eta zoritxarrez, bat besterik ez.

By orexa, at 10 May, 2007 02:33
Kaixo gazteak!

Lertxundik esaten zuena egia da; euskarak min asko egiten dut. Okerrena ordea gure etxean min hori egiten dueneanda.

Atzoko gaiarekin jarraitzeko, zuen problema musika ona entzuten ez duzuela da. Ikusi eta ikasi:

http://www.youtube.com/watch?v=VvV4uLXhdd0&mode=related&search=

http://www.youtube.com/watch?v=jfQj9lX2H8w&mode=related&search=

http://www.youtube.com/watch?v=oX1fGXMMo_M&mode=related&search=

http://www.youtube.com/watch?v=1JA-934lPS8&mode=related&search=

http://www.youtube.com/watch?v=wJgfoL0_ukA&mode=related&search=

http://www.youtube.com/watch?v=bpuOhEQzUrU&mode=related&search=

By Landa, at 10 May, 2007 09:55
atzo zuk esana, Landa: "Nik uste dut musika naturaltasun osoz entzun behar dela. Esan nahi da, Aldasorok esan bezala, musika gustuz entzun behar dela". Eta orain zatozkigu "zuen problema musika ona entzuten ez dezuela da" bezelako gauzekin?

Gaiez azkar aldatu degun arren, atzoko eztabaidaren harira:

Arrazoi dezu, Unai, euskal musika gero eta mediatizatua dagoela esaten dezunean. Ez euskal musika soilik, musika-industria guztiz mediatizatua dago, bai musika eta bai kulturaren adierazpide gehienak ere. Hori datu bat da. Baina horrek ez du printzipioz txarra izan behar, neretzako kontuan hartu beharreko kontestua da, eta euskal musikak biziraun nahi badu gurpil hortan ere sartu behar duela iruditzen zait. Gurpil horretan talde txarrak egongo dira, baina baita talde erdipurdikoak eta talde on eta bikainak ere, gehiago ala gutxiago gustatuko zaizkigunak.

Eta neretzako hor kokatzen da Euskadi Gaztearen lana. Irrati formula bat da, besterik gabe, euskeraz eta euskal musikaren presentzia duin-nahiz-nere-ustez-hobegarri batekin. Kontua da 47.000 entzule dituela eta klaro, ez da alternatiboa, eta ez du kontatzen norberak musika bere kaxa bilatzeko modu gisa. ‘Alternatiboagoak’ (hitz magikoa) dira musika-aldizkariak, Matraka eta MusikHerria, horiek badira musika norbere kaxa bilatzeko moduak. Musika aldizkari batean gomendatzen dituzten talde guztiak aukeratzen ez ditugun modu berean, irratian jartzen dizkiguten talde guztiak ez ditugu aukeratzen. Eta eskerrak. Euskadi Gaztea talde askoren tranpolin garrantzitsua izan da, eta ikus bestela maketa lehiaketatik atera diren hainbat eta hainbat talde: Su ta Gar, Kerobia, Doctor Deseo, Berri Txarrak, EH sukarra, Zea Mays… Euskadi Gazteak, bere failo eta limitazio guztiekin, euskal musikari bultzada handia eman diola ukaezina iruditzen zait, eta bide batez, euskerari ere, jakin nahiko nukeelako nun leundeken 47.000 entzule horiek Euskadi Gaztearik ez balego.

Eta ez. Ez naiz Joxeina Anderren kareta batekin.

Nere ustez, mediaren kontu honetan bada halako cliché bat: media dei-diezaiegun-ofizialetan ezagutarazten diren taldeak ezagunak egiten badira asko matxakatzen dituztelako da, eta masak (besteak) dena irensten duelako. Ona eta txarraren debatean erori gabe (hori musika arte gisa aztertzea litzateke, eta ez det uste hori denik gaia orain), nahiko ikuspegi autokonplazientea iruditzen zait, norberaren gustuak egokitzat dituenaren bertsioa.

Pd.: eneko, esan dezu euskadi gazteak ‘egiten duena’ kritikagarria dela, baina ez dezu esaten ‘zer’ den euskadi gazteak egiten duena. Azalduko zenuke?

pd.: Europa eta euskeraren inguruan zer esan!! Tristea den arren, eguneroko ogia da gure hizkuntzaren kontrakoa mespretxua. Kasu batzuetan nahita (Lertxundik oso ondo dakien bezela), eta beste kasu batzutan (eta honek neri pena gehiago ematen dit) nahigabe, jende askoren inkonszientean dagoelako euskera bigarren mailako gauza 'bonita, entrañable pero inútil' baten moduan ikusten dutelako, ikustarazi dietelako.

Atzo ikaskide peruanaren ama ezagutu nuen, eta jakin zuenean 'espainiatik' nentorrela baina bertan euskera ere hitzegiten zela, eta erderarekiko guztiz diferentea zela, bere erantzunak k.o. utzi nindun: "pues que lata, no?". Eta konturatu nintzen zeinen zortedunak garen batzuk, gure eta besteen hizkuntzei, handi zein txiki, diegun begirunea ikusirik.

By derzu, at 10 May, 2007 10:48
Ander ez pikatu nirekin. Wazwmanken parodiatxo batzuk jarri ditudalko esan dut horiK

Berorrek barka beza!

By Landa, at 10 May, 2007 11:07
gaizki esanak barkatu, eta ongi esanak kontuan hartu;)

By derzu, at 10 May, 2007 13:27
Jendeak euskara baztertzeko arrazoi nagusia, ideologia konkretu
batzuekiko edukiko lukeen afinitatean (hori al da hitz egokia?¿)datza, batzuen ustetan noski. Munduan zehar, pertsona asko da euskara terrorista eta bere ingurukoen beste arma bat dela uste duena. Eta noski, halako pentsamenduekin ez litzateke koherentea izango euskarari inongo laguntzarik ematea. Ea noizbait konturatzen diren, euskara politika guztien gainetik dagoela eta guztion ondarea dela. Bai alde batekoak zein bestekoak.
Gaiz aldatuz, badira euskal herrian hainbat pertsona, beraien ustetan Euskal Herriagatik borrokatzen ari direnak, zein gau eta egun, gaztelaniaz mintzatzen direnak. Hori bai hipokresia!!!

By Anonymous, at 12 May, 2007 00:18
Eolo, ez dakit zein zaren, baina erabat ados.
Hona nire ustetan gure egoera oso ondo identifikatzen duen abesti bat.

Herri baten
izate maila
Gorpu batentzako
bihotza
Nortasun agiri
dugu hizkuntza.

Euskeraren zapalkuntza
Behar du
norbaiten laguntza
Guztion artean
aurrera bultza

Zertarako da gehio?
Euskaraz eta kitto

Espainiar edo frantsesak
gu ez gera
Harro esan
goizetik gauera
Noizko bildu
euskaldun guztiok batera?

Herriaren zapalkuntza
Behar du
norbaiten laguntza
Guztion artean
aurrera bultza

Zertarako da gehio?
Euskaraz eta kitto

Gaurko egoera hauxe
xelebrea da beraz.
Harritzen naiz guraso
askoren joeraz
Kalean gora euskadi
etxean erderaz

Hizkuntzak asko dira
mundu zabalean
Bat behintzat
gorde dezagun
modu apalean
Amak erakutsia
bere magalean.

(Lin Ton Taun, Euskeraz eta kitto)

By Anonymous, at 12 May, 2007 10:47
Euskaren inuguruan esan beharra dago kanpora begira ezin dugula ezeren eske hasi, etxe barruan ere ados ere ez bagara jartzen. Europaren papera oso garrantzitsua eta baita kritikagarria baina zoritxarrez baita ulergarria ere.

Euskararen inguruan errexa da hitz politak egitea baina gero ez da ezer egiten. Adibidez, zenbatek dakite zerbait Donostiako euskara planari buruz? Horrela nola egingo digu kasu udalak? eta are gutxiago gorago doazen intituzioetan.

Musikaren inguruan Anderri erantzuna. Euskadi Gazteak zer egiten duen kritikagarria? Nere ustez bertako musika taldeei ez zaie behar duten lekua ematen. Eta Ikatzeko musikarekin esandako berdina esango dut, Euskadi Gazteak ez badu egiten zeinek egingo du? Agian hori da arazoa, esperantza guztia gauza bakarrean jarri behar dugu. Ni ez nago hemengo musika bestearekin nahastearen kontra baina nahaste horrek hemengo musikak tartea galtzea ekartzen badu ba ez zait ondo iruditzen.

By orexa, at 13 May, 2007 08:40
Ados Enekorekin hein handi batean, bai eta hemen irakuritako ideia orokorrekin ere. Hala ere, ñabardura bat: 'hipokresia' eta 'egoera xelebre' gisa definitu dira euskeraren alde bai baina euskeraz egiten ez dutenen jarrera. Nik penaz ikusten det euskera etengabe esfortzu eta militantziarekin lotu behar izana, naturaltasunez erabili ahal ez izatea. Euskeraz hitz egitea azken finean eguneroko komunikazioan zeresana duen hautua da, eta guretzat hala ez den arren, esfortzu handia da askorentzat. Honekin ez det inoren burua zuritu nahi, esan nahi dudana da berezko hizkuntza ez duzun hori berezko bilakatzearen prozesua ez dela lan makala, kontestu orokorrak eta lokalak laguntzen ez badu batez ere. Eta horretan hizkuntza-politika eraginkor eta ausart batek berebiziko garrantzia du, politikoek askotan pilota hiztunen tailatura maizegi jaurti nahi badigute ere.

Zuzenean ez bada ere, gai honekin zerikusia du jun dan astean Bilbon egin zen Europar Telebista Publikoen Biltzarrarekin. Telebista publikoen paperaz eztabaidatu zuten besteak beste, funtsean, ea zerbitzu publiko batean oinarritu behar ziren (La2en papera elkar uler gaitezen: dokumentalak, hezkuntza, literatura, kultura, sautrela, ikusgela) edo ikusleari ‘eskatzen duena’ (termino diskutigarria) eman behar ote zaion, hau da, konpetentziaren jokuan sartu, audientzia irabaztea helburu. Nik hasieran pentsatu nuen: ‘lehenengoa’, baina gero eitbko zuzendariak bigarrena aukeratu eta argudiatu zuen, eta joe, alde batetik arrazoi zuen, euskerak biziraun nahi badu egungo kontestura moldatu beharko du. Joe, ‘sautrela’ edo ‘eitb kultura’ gabeko 9:30tan programatzen dezu ta klaro, audientzi guztia T5 eta A3ea juten zaizu. Ta pena da, zeren eitb kultura oso interesgarria da. Euskadi gaztearen debatea ere hor sar daiteke agian. Portzierto Eneko, pozten naiz Egaztearekiko kritika euskal taldeen kuotan oinarritu izanaz, guztiz ados, beraz, zurekin (bai bai, ados!!).

Amaitzeko, Euskararen plan orokorraren linka: http://www.euskaraz.net/Plan_Orokorra/plan_oro_eus.pdf
40 orrialdeko txostena, eta halako gauzekin maiz gertatzen den bezela, hainbeste datu eta abar irentsi ondoren zail egiten da osotasuna aztertzea, kritika bat egitea, okerrak eta falta direnak aipatzea. Ea denon artean… posible litatzateke Donostia(lde)ko norbanako batzuen izenean Donostiako euskara planari eginiko zuzenketak udaletxera bidaltzea?

By derzu, at 14 May, 2007 12:10
euskararen planaren linka '.pdf' da, ez baita ondo agertu

By derzu, at 14 May, 2007 12:13
Kaixo gazteak!

Hauteskundeak bi astetan izango ditugun honetan zergatik ez dugu gure botoaren intentzioaren inguruan -Europa aldean dabiltzanek badakit ez duteka botorik emango- eztabaidatxo bat ematen?

Galderak:

Boto intentzioa?
Ezker abertzalearen ilegalizazioaz zer uste duzue?
EAJren patrika betetzeaz zer uste duzue?
EB-Aralar kualizioaz zer uste duzue?
EA ezker abertzaleari utzi nahi dizkion adierazpen eremuez zer uste duzue?

By Landa, at 14 May, 2007 13:15
Landaren proposamenari helduz, hona hemen ilegalizazioari buruz dudan iritzia.
Batetik, demokrazioa guztiak oinarritzen dira pertsona guztien boto eskubidean eta beraz, hori bermatzea gobernuaren betebeharra izan beharko litzateke.
Bestetik ordea, nire iritziz garrantzi handiagoa du 100000 pertsonen boto eskubideak baino pertsona bakar baten bizi eskubideak. Beste hitz batzutan, helburuak lortzeko beste pertsonak mehatsatzea arma gisa defendatzen duenak, ez dut uste boto eskubidea eskatzeko zilegitasunik duenik. Jokabide hipokrita iruditzen zait.
Eztakit zeuoi zer iruditzen zaizkizuen arazo berdina ikusteko bi perspektiba ezberdin hauek. Jarrai dezan eztabaidak...

By Anonymous, at 14 May, 2007 13:32
Housen kapitulu bat ikusi ordez Landaren galdera sortari erantzuna:

1

Boto intentzioa… Arrebak abstenitzeko asmoa zuela esan zidan amak, beraz gure botuak elkartrukatzeko proposamena egingo diot: ni abstenituko naiz bere partez europako kapi honetatik, eta berak bozkatuko du nere partez, Enekori gaizki iruditu arren (seme bakarra izatearen alde txarra, izorrai). Zeini? Pff, nerekin diskutitu dezuenok jakingo dezue ze hankatik kojeatzen deten, eta klaro, EA azkenik bakarrik aurkeztuko den honetan nik bozkatu beharko nioke. Baina zertarako? Gipzukoan (korronte ‘kritiko’ famatua) EAJrekin paktatu eta EAJ-EA kualizio postelektoral batek gehiengo osoa izateko? Ez det nere botoarekin ekidin nahi nuena legitimatu nahi, batez ere EB-Aralar kualizio interesgarria aurkeztuko denean, ezkerreko botu abertzale eta euskaltzalea aglutinatuko duen indarren sorrera agian? Beraz, Gipuzkoan EB-Aralar.

Donostia: Aitortu behar det Xabier Ezeizabarrenarengan konfiantza daukadala, agian azken lau urteotan jasan duen bapuleo konstanteagatik, jakintzazu, baina zentzuzko gauzak esaten dituela iruditzen zait. Hala ere, sirena-kantuek ez dute bozka bat merezi, ez hain azkar bederen. Nere hautua ez bozkatzea izango zela zirudienean, hara non sentimental jarri naizen eta EAtaz goatu naiz… ai! Nik bozkatzen ez badiet zeinek egingo du!! Ta hara non DVn honoko artikulua irakurri dudan eta zera esan diot nere buruari: beinga, konfiantzazko bozkatxo bat. Azkenean, beti bezela, bozka bat buruarekin ta bestea bihotzakin. Ze tipikoa…

2

Eolori erantzunez, helburuak lortzeko beste pertsonak meatxatzea arma gisa ‘defendatzen duenak’ (eta ez ‘erabiltzen duenak’) nere ustez badu boto eskubidea eskatzeko zilegitasuna. Inondik inora eukiko ez duena nere bozka da. Pena ematen dit hautesleek batasunaren azken hilabeteotako jarrera epaitu ez ahal izatea, Permachek eta Barrenak ‘bozka erabilgarriari’ leporatuko baitiote Batasunaren desplomea, lortuko dituzten zifra negargarrien zergatiak aztertu aurretik. Azkenik, Gobernuaren jarrerari buruz… ez det deus ulertzen, ez dute lortu ez EzkerAbertzalea kontentatzea ez eta PP kontentatzea ere, eta 133 zerrendak inpugnatzeko argumentazioa, ‘atxis’ batekin lurrera botatzekoa, en fin, zirkua. Baina ez du soleil.

3

EAJren patrika betetzeaz… zoritxarrez, botereak pertsona asko usteltzen ditu, eta boterean hainbeste denbora daraman alderdi batean are gehiago. Baina nik ez dut alderdi usteletan sinisten, pertsona usteletan baizik, eta dirudienez erantzunkizunak depuratzen ari dira. EAJn, gainera, beste ustelkeria kasu askotan entzun ez ditudan hitzak entzun ditut. Eta ekintzak ikusi. Dimisio bat panorama politikoan!!! Nik, pertsonalki, dimisio hori eskertu egin det.

4

Goian zeoze aipatu det EB-Aralarri buruz. Momentuak baldintzatutako erabakia iruditzen zaidan arren, positiboa, logikoa eta naturala iruditzen zait, heldutasun politikoaren seinale. Ea luzerako den eta goian aipatu bezela, bozka ezkertiar eta abertzale/euskaltzalearen aglutinatzaile bihurtzen den. Bide batez, ea EA ere gerturatzen zaien… Na-Bai aintzindari ona da.

5

EAko zinegotziek ez diete eserleku horiei muzin egingo ni de palo. Eta logikoa iruditzen zait, horrek ez du deus aldatuko eta EAk ez besteek ez dute Batasuna eta Gobernuaren arteko zirku konstante honen errurik. Siembra vientos y recoge tempestades. Adierazpen eremuak beste edozein eragile soziali ematen zaizkienak izango dira: mozioak aurkezteko aukera eman, plenotara joan eta ahotsa izateko agian… baina bueno, Batasunako lau katu desenkantaturen bozkak lortzeko maniobra elektorala besterik ez da.

6

Cosecha propia: Batasunak bake prozesuaren blokeoa PP-PSOE-PNVri aurpegiratzen die. Eta Permach dixit: “PNVk Nafarroan Na-Bai izena du”. Beldurrak baino ezin ditu eragin halako adierzpen lotsagabeak. Ea hauteskundeen emaitzek Batasunakoengan autokritikaz gain autokritika horien emaitzak ere sorrarazten dituzten. Eta animo guztiak hemendik Nafarroa Bai-ri.

Busti enaizenik ez diazue ukatuko. Ea gauza bera egiten dezuen...

By derzu, at 15 May, 2007 00:45
zure hitzetatik atera daitekeen ondorio garbiena denbora libre asko duzula da.

By Anonymous, at 15 May, 2007 00:56
Aldasoro; batzuk artea dugu denbora premia denbora librea bilakatzen.

Nire galderei erantzuna:

1.- Ezker abertzaleko bozkatzaile potentziala naizela uste dut. Hala era, ezker abertzale politikoarekiko nire inkonformismoa eta desadostasuna handituz doaz. Marmar besterik egiten ez dutela dirudi. Hau zigortu nahiean edo, nik ere ez bozkatzeko asmoa daukat.

2.- EAE hauteskundeetatik kanpo utzi izana eta hau sostengatzen duten argumentuak katxondeo hutsa iruditzen zaizkit. Ezker abertzaleari dagokionez, bere burua den bezala erakusteko aukera hartu izan balu, ilegalizazioak gehiago izorratuko lidake. Baina, "no me jodas", lau urte baina gehiago izan dituzte eta egin duten bakarra ilegalizazioaren zirkoan parte-hartzea izan da. Aurkeztea lortzen dugunean "los putos amos" eta ezin dutenean besteak "hijos de puta" batzuk direla esanez. Honekin legea onartu -beste hitz batzuekin esan omen dute hau bere egiten dutela-.

Ezker abertzaleak bere burua herri honen ordezkari zilegi bezala badu ilegalizazioak berdin beharko lioke. Noski, erakundeetatik kanpo egon diren urte hauetan egin dutena hutsaren hurrengoa denez...

3.- EAJri dagokionez, Anderrekin ados nago; pertsona usteletan sinistu behar da. Nik ordea kontu hone garrantzia jelkideen barruan dagoela uste dut. Imaz vs Egibar partidak gipuzkoarrak kaltzontzilotan utzi ditu. Beraz alderdi barruko botere kontrol nahien ondorio direla uste dut.

4.- EB-Aralar koalizioaz Anderrek esan dituen hitzak nire egiten ditut. Bi alderdiei nahi dituzuen kritika guztiak; baina, koalizio hau guztiz naturala dela iruditzen zait eta bereziki bide propioak bilatuz aralarren osasun politikoa adierazten duela uste dut. Beraz ez dut hau Na-Bai-en bidean ikusten, baina bai alor soziala jorratu nahi duten bi alderdien lanketa bezala.

Interes elektoralistak dituztela? Eta nork ez?

5.- EAk esan duena ezker abertzaletik bereganatu nahi dituzten boto horiek lortzeko estrategia bat dela uste dut.

Galderak:

Nor da eolo? kar kar kar!

By Landa, at 15 May, 2007 04:59
begiak ireki dizkidazu, unai

By derzu, at 15 May, 2007 06:44
http://www.diariovasco.com/prensa/20070514/politica/batalla-libra-centro-izquierda_20070514.html

By derzu, at 15 May, 2007 06:53
ez da ondo zaltzen:

http://www.diariovasco.com/
prensa/20070514/politica/
batalla-libra-centro-izquierda_20070514.html

By derzu, at 15 May, 2007 06:54
EUSKERA PLANA: Euskera planaren inguruan Donostian bada Euskarak Batzen izeneko elkarte bat. Bertan ikastola, eusklategi, zein norbanakoak aritzen gara plana zorroztu nahian eta plan hori diskutitzen det foroetan egonez. Ateak irikita daude.

EZKER ABERTZALEA:
Zer bozkatuko nukeen? Zeini inporta zaio? Hemen nagoelako ezin det bozkatu, eta han egongo banitz nere bozkak egunkariko paperak adina balio du, hau da bildu eta kontenedore urdinera botatzeko. Beraz, non dago aldea?

Ilegalizazioaren kontuarekin gauza asko nahsten ari zaretela iruditzen zait. Legalizazioak ez du zertan adostasuna ekartzen. Non dago arazoa? Alderdi batek indarkeria "babesten" duela? Ez al da grabeagoa atzean dituen milaka bozkak? Horiek ere indarkeria "babesten" al dute? Eta babestuko balute ere, zer? Falangeak ere babesten du eta ez dago ilegalizatua. PSOEK GALeko arduradunak ditu eta legala da. PPk Frankoren garaiko ministroa du ohorezko presidentetzat eta legala da. Hemen ez da inor zilegi zer den edo ez esateko alderdi baten legeztatzean. Demokrazian sinistuko balute, onartu beharko lukete jendeak bozkatzen duena.

EA:
Lotsagarria EAJtik hain berandu banatzea. 10 bat urtetan gainbehea latzari edonola eutsi besterik ez zaio geratzen.

EB-Aralar:
Koalizio hortatik tiratzen didan bakarra Aralar da baino beregan azken hauteskundeetan jarritako konfiantzak ez dit ezer erakusti. Oso posible da bere maniobra egiteko lekua ere ez zela aproposena, baino hala ere EAJtik gertuegi ikusi det, nahiz eta beste gauza batzuetan (kondenak kasu) oso posizio ona izan duen. Hala ere lehen esan bezala ez dio botereari nik nahi beste lata eman. Eta Ezker Batuak neregandik urruti xamar dagoen talde bati zuzendua dago. Ezin diot abertzalea ez den talde bati bozkatu, nahiz eta askotan aitortu behar ofizialki abertzale ez bada ere askotan gure interesak ondo defendatzen dituela.

NA-BAI: sostenguak banatzen asi zera Ander eta lehen ados egon geranez (milagro!) ba orain kritika pixka bat. Nafarroa Bairen estrategia gutziak ilegalizaziotik pasatzen ziren. NA-BAI ez zen inor Nafarroako politikagintzan Ezker Abertzale ofiziala tarteko eta hori jakinda ere ez dute lan berezirik egin denok bateratzeko eta fronte komun bat osatzeko UPNren aurka. Hori neretzak oso tristea da. Abertzale artean kanpotik etorritako klitxeak erabiltzea negargarria da.

By orexa, at 15 May, 2007 13:55
NaBairen estrategia ilegalizaziotik pasatzen dela esatea askotxo esatea iruditzen zait. Zurea bezelako komentarioegatik esaten nuen lehen Batasunaren ilegalizazioaren beste alde txar bat emaitza kaxkarrak egoera horri leporatzea izango dela:

2003

Aralar+Ea/Eaj+Batzarre=54.765 botu
Bozka nuluak=18.753

Esan nahi didazu NaBai osatzen duten alderdiek batasunak baino 3 bider bozka gehio lortzea ilegalizazioaren ondorio zuzena dela? Autokritika noizko?

By derzu, at 16 May, 2007 11:29
Anderrekin ados nago. Ezin dute beti kontu berdinarekin jarraitu. Na-Bai apostu politiko bat da. Ezker abertzaleari interesatzen zaion edo ez beraiek jakingo dute.

Hauteskundeetan ezker abertzaleak babesa galtzeak autokritikarako eta gogoetarako parada ekartzen badu; ongi etorria.

By Landa, at 16 May, 2007 11:56
Eta ezker abertzaleak horrelakoetan hartzen duen jarrera ez du batere gustoko. Beti dira besteak errudunak, beti dira besteak prozesuak kolokan jartzen dutenak, beti dira besteak pausuak eman behar dituztenak, EB-Aralarrekoak interesatu batzuk direla, Na-Bai Josu Jonen Euskal Herria zatitzeko estrategia dela. Ez dut esaten arrazoik ez dutenik; baina, helmuga zein den argi badute has daitezela beraien bidea egiten eta ez besteena desegiten!

By Landa, at 16 May, 2007 12:08
Aldasoro; zuri deika ibili naiz. Kafea gaur goizean hartu dezakegu. Irakurtzen baduzu deitu!

By Landa, at 17 May, 2007 02:09
Nik ez det esan NaBai-ren botuak ilegalizazioren bidetik etorri direnik. Esan dudana izan da bere emaitzak ilegalizazioan oinarrituak daudela.

Autokritika? Noski! Nik ez diot NaBai-ri bakarrik kulpa botatzen Batasuna hor ez egoteagatik. Batasuna ez da konturatu Na-Bain egoteak zer suposatzen duen. Baina gerturatu zitekeenean indarkeria aitzaki erabiltzea ere ez zait normala iruditzen.

By orexa, at 20 May, 2007 09:24
(Landa&:Sextysexers Donostiako FNACen maiatzaren 24an, Egaztean oraintxe entzun detenez)

By derzu, at 21 May, 2007 02:29
Hantxe izango naiz!

Latz kritikatuko dut bigarren diska!

By Landa, at 21 May, 2007 10:14
Berriak uxue barkosi eginiko elkarrizketan irakurri det txillardegik aralar utzi duela. norbaitek arrazoia ezagutzen al du?

By Anonymous, at 22 May, 2007 11:50
Ez dago ados alderdiak azken aldian hartu dituen hainbat erabakirekin, baina birekin batez ere: EB-Aralar kualizioa eta 'Terrorismoaren biktimei' eginiko omenaldian parte hartu izana. Ez dakidana da zeintzuk diren kontra egoteko argumentuak, ez ditut irakurri.

By derzu, at 22 May, 2007 13:49
Txillardegi idolo! Eskerrak ez naizen bakarra Aralarren hanka sartzeei buruz hitz egitean.

By orexa, at 23 May, 2007 09:31
Txillardegirena ez da kasu bakarra. Aralarreko sortzaileetako batzuk manifestu baten bidez ANV-ren aldeko bozka ematea eskatu dute, ez baitaude ados Aralarren azken erabakiekin.

By Anonymous, at 23 May, 2007 13:07
Ander; demonio!

Gaurko Sexty Sexersen kontzertua suspenditu egin da!

Honek zor zenidana itzuli didazu, ezta?

By Landa, at 24 May, 2007 11:12
A! Kontzertura jun al zera? Uste nun etxean geatuko zinala, lotan.

Etzan lehen aldia izango...

Portzerto, Eneko ta biok ziberzita egin degu igande gaben, emaitza-dantza komentatzeko. Animatzen zeate?

By derzu, at 24 May, 2007 14:25
Bueno; agian lotan egongo naiz...

Ordua?

By Landa, at 25 May, 2007 10:44
hamarrak hamar terdik aldea hango orduan, jeje! Animatzen bazeate...

By orexa, at 27 May, 2007 09:01
landa, emaitzak ikusita ixildu eta urkiri arrazoi eman beharko diogu. EB/Aralar koalizioak bozka kopuru gutxiago lortu ditu gipuzkoan,bizkaian eta araban. 2003an biek lortu zituzten emaitzak batuz gero noski.

By Anonymous, at 29 May, 2007 05:36
Bestalde PSE-EE izan da bozka gehien lortu dituen alderdia gipuzkoan, 2003an baina bozka gutxiago lortu arren.

By Anonymous, at 29 May, 2007 05:37
Aupa Aldasoro!

Ba bai; ezker abertzaleak lortu dituen emaitzak izugarriak izan dira. Ezin du alde batera utzi zerrenda asko ilegalizatuta zeudela eta kanpaina politikoa ezin izan dutela normaltasunez egin; gainera, egon den parte-hartze eskaxarekin...

Urkik afaria ondo irabazi dit. Ea noiz elkartzen garen guztiok afari polit bat egiteko!

By Landa, at 29 May, 2007 14:28
Zifra saltsa interesgarria igandekoa...

Ze etorkizun ikusten diezue Gipuzkoako eta Iruñeako gobernagarritasunari?

Gipuzkoan PSE EAri fitxak sartzen, baina ez dute gehiengo osoa, PNV-PSE? Gipuzkoan zaila... EB-Aralarrekin? Denek diote zaila dela proiektu 'estrategiko' (termino diskutigarria) guztiekiko desadostasuna dela-eta.

Eta Iruña... ANVk esan du UPN bota ahal izateko zerrendak lagunduko dituztela (ikus Uxue Barkos), baina PSN istoria horretan sartuko den ikusteko dago...

Dena airean... eta prozesua? Aireratzen ezta?

By derzu, at 30 May, 2007 10:19

Kalaka Afari Taldea

Thursday, May 10, 2007

Herrien Europa?

38 Comments:

About

Contributors

Previous